കോഴിക്കോട് : ടി പി വധക്കേസിലെ അഞ്ചു പ്രതികളെ സെന്‍ട്രല്‍ ജയിലിലേക്ക് മാറ്റണമെന്ന് ആവശ്യപ്പെട്ട് കോഴിക്കോട് ജില്ലാ ജയില്‍ സൂപ്രണ്ട് നല്‍കിയ അപേക്ഷ പിന്‍വലിച്ചു. ജയില്‍ സുരക്ഷക്ക് ഭീഷണിയാണെന്ന് കാണിച്ചാണ് കൊടി സുനി അടക്കമുള്ള പ്രതികളെ മാറ്റാന്‍ ജയില്‍ സൂപ്രണ്ട് ബാബുരാജ് രണ്ടു ദിവസം മുമ്പ് വിചാരണക്കോടതിയില്‍ അപേക്ഷ സമര്‍പ്പിച്ചത്. ഇത് പിന്‍വലിക്കുന്നതായി ബുധനാഴ്ച കത്തു നല്‍കുകയായിരുന്നു. മൂന്നാം പ്രതി കൊടി സുനി, അഞ്ചാം പ്രതി മുഹമ്മദ് ഷാഫി, ആറാം പ്രതി സിജിത്ത്എന്ന അണ്ണന്‍ സിജിത്ത്, ഏഴാം … Continue reading "ടി പി വധക്കേസ് പ്രതികളുടെ ജയില്‍ മാറ്റം ; അപേക്ഷ പിന്‍വലിച്ചു"
Wednesday, February 20th, 2019
ടി പി വധക്കേസ് പ്രതികളുടെ ജയില്‍ മാറ്റം ; അപേക്ഷ പിന്‍വലിച്ചു
Published On:May 15, 2013 | 12:28 pm
കോഴിക്കോട് : ടി പി വധക്കേസിലെ അഞ്ചു പ്രതികളെ സെന്‍ട്രല്‍ ജയിലിലേക്ക് മാറ്റണമെന്ന് ആവശ്യപ്പെട്ട് കോഴിക്കോട് ജില്ലാ ജയില്‍ സൂപ്രണ്ട് നല്‍കിയ അപേക്ഷ പിന്‍വലിച്ചു. ജയില്‍ സുരക്ഷക്ക് ഭീഷണിയാണെന്ന് കാണിച്ചാണ് കൊടി സുനി അടക്കമുള്ള പ്രതികളെ മാറ്റാന്‍ ജയില്‍ സൂപ്രണ്ട് ബാബുരാജ് രണ്ടു ദിവസം മുമ്പ് വിചാരണക്കോടതിയില്‍ അപേക്ഷ സമര്‍പ്പിച്ചത്. ഇത് പിന്‍വലിക്കുന്നതായി ബുധനാഴ്ച കത്തു നല്‍കുകയായിരുന്നു.
മൂന്നാം പ്രതി കൊടി സുനി, അഞ്ചാം പ്രതി മുഹമ്മദ് ഷാഫി, ആറാം പ്രതി സിജിത്ത്എന്ന അണ്ണന്‍ സിജിത്ത്, ഏഴാം പ്രതി ഷിനോജ്, 27ാം പ്രതി രജിത്ത് എന്നിവരെ ജില്ലാ ജയിലില്‍ നിന്ന് തിരുവനന്തപുരത്തെ സെന്‍ട്രല്‍ ജയിലിലേക്ക് മാറ്റണമെന്നായിരുന്നു അപേക്ഷ. ഇവര്‍ സഹതടവുകാരെയും ജയില്‍ ഉദ്യോഗസ്ഥരെയും അക്രമിക്കാന്‍ ശ്രമിക്കുന്നതായും ജയിലിനുള്ളില്‍ സുരക്ഷാ ഭീഷണി ഉയര്‍ത്തുന്നുവെന്നും ചൂണ്ടിക്കാട്ടിയായിരുന്നു അപേക്ഷ നല്‍കിയിരുന്നത്. എന്നാല്‍ ഇത് കണ്ണൂര്‍ ജയിലില്‍ എത്താനുള്ള ഇവരുടെ ആസൂത്രണത്തിന്റെ ഭാഗമാണെന്ന് റിപ്പോര്‍ട്ടുകളുണ്ടായിരുന്നു.
