Friday, April 19th, 2019

ജലസ്റ്റിന്റെ കുടുംബത്തെ കാണാന്‍ കഴിയാത്തതില്‍ ദു:ഖമുണ്ടെന്ന് ഇറ്റാലിയന്‍ വിദേശകാര്യമന്ത്രി

കൊല്ലം : ഇറ്റാലിയന്‍ കപ്പലില്‍ നിന്നുള്ള വെടിയേറ്റു മരിച്ച മത്സ്യത്തൊഴിലാളി ജലസ്റ്റിന്റെ കുടുംബത്തെ സന്ദര്‍ശിക്കാന്‍ കഴിയാത്തില്‍ ദു:ഖമുണ്ടെന്ന് ഇറ്റാലിയന്‍ വിദേശകാര്യ സഹമന്ത്രി സ്‌റ്റെഫാന്‍ ഡി മിസ്തൂര കൊല്ലത്ത് പറഞ്ഞു. ഇന്നു രാവിലെ ജലസ്റ്റിന്റെ വീടിനു സമീപമുള്ള തങ്കശേരി പള്ളിയില്‍ വച്ച് കൂടിക്കാഴ്ച നടത്താമെന്ന് പ്രതീക്ഷിച്ചിരുന്നു. എന്നാല്‍ നാട്ടുകാരുടെ എതിര്‍പ്പുമൂലം കൂടിക്കാഴ്ച ഉപേക്ഷിക്കുകയായിരുന്നുവെന്നും മിസ്തൂര മാധ്യമങ്ങളോട് പറഞ്ഞു. എങ്കിലും താന്‍ താമസസ്ഥലത്തുവച്ച് മരിച്ചവര്‍ക്കു വേണ്ടി പ്രാര്‍ഥിച്ചുവെന്നും അദ്ദേഹം പറഞ്ഞു. മത്സ്യത്തൊഴിലാളികളുടെ കുടുംബത്തോട് ഇറ്റാലിയന്‍ ജനതയുടെ പൂര്‍ണ പിന്തുണ അറിയിക്കുകയാണ്. … Continue reading "ജലസ്റ്റിന്റെ കുടുംബത്തെ കാണാന്‍ കഴിയാത്തതില്‍ ദു:ഖമുണ്ടെന്ന് ഇറ്റാലിയന്‍ വിദേശകാര്യമന്ത്രി"

Published On:Mar 4, 2012 | 6:12 am

കൊല്ലം : ഇറ്റാലിയന്‍ കപ്പലില്‍ നിന്നുള്ള വെടിയേറ്റു മരിച്ച മത്സ്യത്തൊഴിലാളി ജലസ്റ്റിന്റെ കുടുംബത്തെ സന്ദര്‍ശിക്കാന്‍ കഴിയാത്തില്‍ ദു:ഖമുണ്ടെന്ന് ഇറ്റാലിയന്‍ വിദേശകാര്യ സഹമന്ത്രി സ്‌റ്റെഫാന്‍ ഡി മിസ്തൂര കൊല്ലത്ത് പറഞ്ഞു. ഇന്നു രാവിലെ ജലസ്റ്റിന്റെ വീടിനു സമീപമുള്ള തങ്കശേരി പള്ളിയില്‍ വച്ച് കൂടിക്കാഴ്ച നടത്താമെന്ന് പ്രതീക്ഷിച്ചിരുന്നു. എന്നാല്‍ നാട്ടുകാരുടെ എതിര്‍പ്പുമൂലം കൂടിക്കാഴ്ച ഉപേക്ഷിക്കുകയായിരുന്നുവെന്നും മിസ്തൂര മാധ്യമങ്ങളോട് പറഞ്ഞു. എങ്കിലും താന്‍ താമസസ്ഥലത്തുവച്ച് മരിച്ചവര്‍ക്കു വേണ്ടി പ്രാര്‍ഥിച്ചുവെന്നും അദ്ദേഹം പറഞ്ഞു.
മത്സ്യത്തൊഴിലാളികളുടെ കുടുംബത്തോട് ഇറ്റാലിയന്‍ ജനതയുടെ പൂര്‍ണ പിന്തുണ അറിയിക്കുകയാണ്. കേസില്‍ ഇന്ത്യന്‍ ജുഡീഷ്യറി സ്വീകരിക്കുന്ന നിലപാടിനോട് പൂര്‍ണ ആദരമാണുള്ളത്. പോലീസും മാന്യമായാണ് ഇടപെടുന്നത്. ഇന്ത്യന്‍ സൈനികര്‍ ഇറ്റലിയില്‍ ഇത്തരമൊരു നടപടി ചെയ്താലും ഇതുപോലെ തന്നെയായിരിക്കും നപടിയുണ്ടാകുയെന്നും മിസ്തൂര കൂട്ടിച്ചേര്‍ത്തു.
അതേസമയം, ഇറ്റാലിയന്‍ പ്രതിനിധികളുമായി കൂടിക്കാഴ്ച നടത്താനില്ലെന്ന് ജലസ്റ്റിന്റെ കുടുംബം വ്യക്തമാക്കി. സര്‍ക്കാരോ അന്വേഷണ ഉദ്യോഗസ്ഥരോ അറിയാതെ രഹസ്യമായി കൂടിക്കാഴ്ച നടത്തുന്നത് തങ്ങള്‍ക്ക് നീതി നിഷേധിക്കപ്പെടാന്‍ ഇടയാക്കുമെന്ന് ഭയക്കുന്നതായും അതിനാല്‍ കൂടിക്കാഴ്ചയ്ക്ക് താല്‍പര്യമില്ലെന്നും ജലസ്റ്റിന്റെ കുടുംബം അറിയിക്കുകയായിരുന്നു.

LIVE NEWS - ONLINE

  • 1
    7 hours ago

    ഒളി ക്യാമറാ വിവാദം: എംകെ രാഘവനെതിരേ കേസെടുക്കുന്ന കാര്യത്തില്‍ തീരുമാനം നാളെ

  • 2
    9 hours ago

    രാഹുല്‍ ഗാന്ധിക്ക് തിരഞ്ഞെടുപ്പ് കമ്മീഷന്റെ നോട്ടീസ്

  • 3
    11 hours ago

    ശബരിമല കര്‍മസമിതി ആട്ടിന്‍ തോലിട്ട ചെന്നായ: ചെന്നിത്തല

  • 4
    12 hours ago

    തനിക്കെതിരെ കള്ളക്കേസ് ചുമത്തുന്നു: പിഎസ് ശ്രീധരന്‍ പിള്ള

  • 5
    12 hours ago

    തനിക്കെതിരെ കള്ളക്കേസ് ചുമത്തുന്നു: പിഎസ് ശ്രീധരന്‍ പിള്ള

  • 6
    12 hours ago

    ബാലപീഡനത്തിനെതിരെ നടപടി

  • 7
    14 hours ago

    പ്രിയങ്കയും സ്മൃതി ഇറാനിയും നാളെ വയനാട്ടില്‍

  • 8
    15 hours ago

    കോണ്‍ഗ്രസ് വക്താവ് പ്രിയങ്ക ചതുര്‍വേദി പാര്‍ട്ടി വിട്ടു

  • 9
    15 hours ago

    എല്ലാം ആലോചിച്ചെടുത്ത തീരുമാനം