Sunday, September 23rd, 2018

ക്ഷുദ്രഗ്രഹം ഇടിച്ചിറങ്ങി ; ചന്ദ്രപ്രതലത്തില്‍ വന്‍സ്‌ഫോടനം

കേപ് കാനവറല്‍ : ചന്ദ്രോപരിതലത്തില്‍ വന്‍സ്‌ഫോടനം തീര്‍ത്തുകൊണ്ട് പാറക്കഷ്ണം ഇടിച്ചിറങ്ങി. ഇതുവരെ തങ്ങള്‍ സാക്ഷ്യം വഹിച്ച പ്രകാശത്തെക്കാളും പത്തിരട്ടിയോളം തിളക്കമുള്ള സ്‌ഫോടനമാണ് ഇത് സൃഷ്ടിച്ചതെന്ന് നാസ അറിയിച്ചു. സ്‌ഫോടനസമയത്ത് ചന്ദ്രനെ ദര്‍ശിച്ച ആര്‍ക്കും ദൂരദര്‍ശിനിയുടെ സഹായമില്ലാതെ തന്നെ നഗ്നനേത്രങ്ങള്‍ കൊണ്ട് കാണാന്‍ കഴിയുന്നത്രയും ശക്തിയുള്ളതായിരുന്നു പ്രകാശമെന്നും നാസയുടെ അറിയിപ്പില്‍ പറയുന്നു. കഴിഞ്ഞ മാസം 17നാണ് ചന്ദ്രോപരിതലത്തിലേക്ക് 40 കിലോഗ്രാം ഭാരമുള്ള പാറക്കഷ്ണം 56000 മൈല്‍ വേഗതയില്‍ ഇടിച്ചിറങ്ങിയത്. ചന്ദ്രനെ നിരീക്ഷിക്കുകയായിരുന്ന നാസയുടെ ഉപഗ്രഹമാണ് ഇത് റെക്കോഡ് ചെയ്തത്. … Continue reading "ക്ഷുദ്രഗ്രഹം ഇടിച്ചിറങ്ങി ; ചന്ദ്രപ്രതലത്തില്‍ വന്‍സ്‌ഫോടനം"

Published On:May 18, 2013 | 10:49 am

MOON-METEORകേപ് കാനവറല്‍ : ചന്ദ്രോപരിതലത്തില്‍ വന്‍സ്‌ഫോടനം തീര്‍ത്തുകൊണ്ട് പാറക്കഷ്ണം ഇടിച്ചിറങ്ങി. ഇതുവരെ തങ്ങള്‍ സാക്ഷ്യം വഹിച്ച പ്രകാശത്തെക്കാളും പത്തിരട്ടിയോളം തിളക്കമുള്ള സ്‌ഫോടനമാണ് ഇത് സൃഷ്ടിച്ചതെന്ന് നാസ അറിയിച്ചു. സ്‌ഫോടനസമയത്ത് ചന്ദ്രനെ ദര്‍ശിച്ച ആര്‍ക്കും ദൂരദര്‍ശിനിയുടെ സഹായമില്ലാതെ തന്നെ നഗ്നനേത്രങ്ങള്‍ കൊണ്ട് കാണാന്‍ കഴിയുന്നത്രയും ശക്തിയുള്ളതായിരുന്നു പ്രകാശമെന്നും നാസയുടെ അറിയിപ്പില്‍ പറയുന്നു.
കഴിഞ്ഞ മാസം 17നാണ് ചന്ദ്രോപരിതലത്തിലേക്ക് 40 കിലോഗ്രാം ഭാരമുള്ള പാറക്കഷ്ണം 56000 മൈല്‍ വേഗതയില്‍ ഇടിച്ചിറങ്ങിയത്. ചന്ദ്രനെ നിരീക്ഷിക്കുകയായിരുന്ന നാസയുടെ ഉപഗ്രഹമാണ് ഇത് റെക്കോഡ് ചെയ്തത്. ഇടിയുടെ ആഘാതത്തില്‍ 66 അടി വ്യാസമുള്ള ഒരു ഗര്‍ത്തം രൂപപ്പെട്ടതായും നാസ പറയുന്നു. അതേ ദിവസം തന്നെ ഭൂമിക്ക് മുകളിലേക്കും നിരവധി ക്ഷുദ്രഗ്രഹങ്ങള്‍ വന്നതായും എന്നാല്‍ ഭൂമിയില്‍ പതിക്കുന്നതിന് മുമ്പ് അവ എരിഞ്ഞടങ്ങിയതിനാല്‍ വന്‍വിപത്ത് ഒഴിവാകുകയായിരുന്നെന്നും നാസ അറിയിച്ചു.
കഴിഞ്ഞ ഫെബ്രവരിയില്‍ കനത്ത നാശം വിതച്ച് റഷ്യയിലെ ഷെല്യാബിന്‍സ്‌കിയിലുണ്ടായ ഉല്‍ക്കാ പതനവും ചന്ദ്രോപരിതലത്തിലെ ഉല്‍ക്കാപതനവും തമ്മില്‍ ബന്ധമുണ്ടെന്നാണ് നാസ അധികൃതര്‍ കരുതുന്നത്. ഭൂമിയും ചന്ദ്രനും അടുത്തവര്‍ഷം ഇതോസാഹചര്യത്തില്‍ കടന്നുപോകുമ്പോള്‍ ഇത്തരം കൂട്ടിയിടിക്ക് സാധ്യതയുണ്ടോയെന്ന കാര്യത്തെ കുറിച്ച് നാസ പഠനം തുടങ്ങിക്കഴിഞ്ഞു. കഴിഞ്ഞ എട്ട് വര്‍ഷത്തിനിടയില്‍ ചന്ദ്രോപരിതലത്തില്‍ ഇത്തരം മുന്നൂറ് കൂട്ടിയിടികള്‍ ഉണ്ടായതായാണ് നാസ പുറത്തുവിട്ട കണക്കുകളില്‍ കാണിക്കുന്നത്.

LIVE NEWS - ONLINE

  • 1
    26 mins ago

    കന്യാസ്ത്രീക്ക് നീതി ആവശ്യപ്പെട്ട് പ്രകടനം നടത്തിയ ജോയ് മാത്യുവിനെതിരെ പോലീസ് കേസെടുത്തു

  • 2
    2 hours ago

    സിസ്റ്റര്‍ ലൂസിക്കെതിരെ സഭാ നടപടി

  • 3
    4 hours ago

    മദ്രാസ് ഐ.ഐ.ടിയിലെ മലയാളിവിദ്യാര്‍ഥിയെ മരിച്ചനിലയില്‍ കണ്ടെത്തി

  • 4
    4 hours ago

    മുഖ്യമന്ത്രി പിണറായി വിജയന്‍ അമേരിക്കയില്‍ നിന്ന് തിരിച്ചെത്തി

  • 5
    16 hours ago

    ബിഷപ്പിനെ ഞായറാഴ്ച്ച രാവിലെ തെളിവെടുപ്പിനായി കുറവിലങ്ങാട് മഠത്തില്‍ എത്തിക്കും

  • 6
    17 hours ago

    ഗള്‍ഫിലേക്ക് കടത്താന്‍ ശ്രമിച്ച ഹാഷിഷ് പിടികൂടി

  • 7
    20 hours ago

    ലോക്‌സഭാ തെരഞ്ഞെടുപ്പില്‍ മികച്ച വിജയം ലക്ഷ്യം: മുല്ലപ്പള്ളി

  • 8
    22 hours ago

    ബിഷപ്പിനെ കോടതിയില്‍ ഹാജരാക്കി

  • 9
    22 hours ago

    രക്തവും ഉമിനീരും ബലം പ്രയോഗിച്ച് ശേഖരിച്ചു: ബിഷപ്പ്