തിരു: കേരളമോഡല്‍ വികസനത്തിന്‌ നിറംമങ്ങിയെന്നും വികസന നയത്തിന്‌ കാലാനുസൃത മാറ്റം വേണമെന്നും ജനങ്ങളുടെ പ്രതീക്ഷക്കനുസരിച്ച്‌ ഭരണത്തിന്‌ സുതാര്യത വേണമെന്നും കെ പി സി സി അധ്യക്ഷന്‍ രമേശ്‌ ചെന്നിത്തല. തിരുവനന്തപുരം പ്രസ്‌ക്ലബില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. മന്ത്രിസഭ പുനപ്രവേശം സംബന്ധിച്ച വിഷയത്തില്‍ പരസ്യ പ്രതികരണത്തിന്‌ കോണ്‍ഗ്രസ്‌ ഹൈക്കമാന്റിന്റെ വിലക്കുണ്ട്‌. മുഖ്യമന്ത്രിയുമായി ഇക്കാര്യത്തില്‍ രണ്ട്‌പ്രാവശ്യം ചര്‍ച്ച നടന്നുവെന്നത്‌ വാസ്‌തവമാണ്‌. മന്ത്രിസഭയില്‍ പ്രവേശിക്കുമോ ഇല്ലയോ എന്ന കാര്യം ഹൈക്കമാന്റ്‌ തീരുമാനിക്കും. ഉചിത സമയത്ത്‌ ആ തീരുമാനം വരും. ഈ വിഷയംവിവാദമായതുമായി … Continue reading "കേരളമോഡലിന്‌ നിറംമങ്ങി; ഭരണത്തിന്‌ സുതാര്യത വേണമെന്ന്‌ ചെന്നിത്തല"
Monday, November 19th, 2018
കേരളമോഡലിന്‌ നിറംമങ്ങി; ഭരണത്തിന്‌ സുതാര്യത വേണമെന്ന്‌ ചെന്നിത്തല
Published On:Jun 10, 2013 | 4:42 pm
തിരു: കേരളമോഡല്‍ വികസനത്തിന്‌ നിറംമങ്ങിയെന്നും വികസന നയത്തിന്‌ കാലാനുസൃത മാറ്റം വേണമെന്നും ജനങ്ങളുടെ പ്രതീക്ഷക്കനുസരിച്ച്‌ ഭരണത്തിന്‌ സുതാര്യത വേണമെന്നും കെ പി സി സി അധ്യക്ഷന്‍ രമേശ്‌ ചെന്നിത്തല. തിരുവനന്തപുരം പ്രസ്‌ക്ലബില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. മന്ത്രിസഭ പുനപ്രവേശം സംബന്ധിച്ച വിഷയത്തില്‍ പരസ്യ പ്രതികരണത്തിന്‌ കോണ്‍ഗ്രസ്‌ ഹൈക്കമാന്റിന്റെ വിലക്കുണ്ട്‌. മുഖ്യമന്ത്രിയുമായി ഇക്കാര്യത്തില്‍ രണ്ട്‌പ്രാവശ്യം ചര്‍ച്ച നടന്നുവെന്നത്‌ വാസ്‌തവമാണ്‌. മന്ത്രിസഭയില്‍ പ്രവേശിക്കുമോ ഇല്ലയോ എന്ന കാര്യം ഹൈക്കമാന്റ്‌ തീരുമാനിക്കും. ഉചിത സമയത്ത്‌ ആ തീരുമാനം വരും. ഈ വിഷയംവിവാദമായതുമായി ബന്ധപ്പെട്ട്‌ കോണ്‍ഗ്രസ്‌ പ്രവര്‍ത്തകര്‍ക്ക്‌ ഉണ്ടായ വിഷമത്തില്‍ നിര്‍വ്യാജം ഖേദിക്കുന്നുവെന്നും ചെന്നിത്തല പറഞ്ഞു.
മന്ത്രി ആകുമോയെന്ന്‌ ഇപ്പോള്‍ പറയാനാവില്ലെന്നും ഇതുസംബന്ധിച്ച്‌ പറയാനുള്ളത്‌ പറയേണ്ട സമയത്ത്‌ പറയുമെന്നും മാധ്യമപ്രവര്‍ത്തകരുടെ ആവര്‍ത്തിച്ചുള്ള ചോദ്യത്തിന്‌ ഉത്തരമായി അദ്ദേഹം പറഞ്ഞു. വിവാദങ്ങള്‍ ഉണ്ടായതില്‍ മാധ്യമങ്ങളെ പഴിക്കുന്നില്ല. ജനങ്ങളുടെ മനസില്‍ തനിക്കുള്ള ഇടം ആരുവിചാരിച്ചാലും തകര്‍ക്കാനാവില്ല.
