തിരു: സോളാര്‍ തട്ടിപ്പ്‌ കേസില്‍ മുഖ്യമന്ത്രി സ്ഥാനം ഞാന്‍ എന്തിന്‌ രാജിവെക്കണമെന്ന്‌ ഉമ്മന്‍ചാണ്ടി. എന്തെങ്കിലുമൊരു വീഴ്‌ച എന്റെ ഭാഗത്തോ സര്‍ക്കാറിനോ ഉണ്ടായതായി പ്രതിപക്ഷത്തിന്‌ ഇന്നേവരെ തെളിയിക്കാന്‍ കഴിഞ്ഞിട്ടില്ല. പിന്നെന്തിന്‌ ഞാന്‍ രാജിവെക്കണം? ഒരു ഫോണ്‍ വിളിച്ചതിന്‌ മുഖ്യമന്ത്രി രാജിവെക്കണമെന്ന്‌ പറഞ്ഞ്‌ ബഹളം കൂട്ടുന്ന പ്രതിപക്ഷമാണ്‌ ഇവിടെയുള്ളത്‌. ഇന്നുച്ചക്ക്‌ പന്ത്രണ്ടിന്‌ വിളിച്ചുചേര്‍ത്ത വാര്‍ത്താസമ്മേളനത്തില്‍ മുഖ്യമന്ത്രി തന്റെ നയം വ്യക്തമാക്കി. സോളാര്‍ അഴിമതിക്കേസില്‍ സര്‍ക്കാര്‍ നടപടികളില്‍ വന്ന വീഴ്‌ചവല്ലതുമുണ്ടെങ്കില്‍ അതുചൂണ്ടിക്കാണിക്കാന്‍ അദ്ദേഹം പ്രതിപക്ഷത്തെ വെല്ലുവിളിക്കുകയും ചെയ്‌തു. ഇല്ലാത്തകാര്യങ്ങളാണ്‌ പ്രതിപക്ഷം വിളിച്ചുപറയുന്നത്‌. … Continue reading "എന്തിന്‌ രാജിവെക്കണം: മുഖ്യമന്ത്രി ഉമ്മന്‍ചാണ്ടി"
Saturday, February 23rd, 2019
flash news
Sat 23
എന്തിന്‌ രാജിവെക്കണം: മുഖ്യമന്ത്രി ഉമ്മന്‍ചാണ്ടി
Published On:Jun 18, 2013 | 2:49 pm
തിരു: സോളാര്‍ തട്ടിപ്പ്‌ കേസില്‍ മുഖ്യമന്ത്രി സ്ഥാനം ഞാന്‍ എന്തിന്‌ രാജിവെക്കണമെന്ന്‌ ഉമ്മന്‍ചാണ്ടി. എന്തെങ്കിലുമൊരു വീഴ്‌ച എന്റെ ഭാഗത്തോ സര്‍ക്കാറിനോ ഉണ്ടായതായി പ്രതിപക്ഷത്തിന്‌ ഇന്നേവരെ തെളിയിക്കാന്‍ കഴിഞ്ഞിട്ടില്ല. പിന്നെന്തിന്‌ ഞാന്‍ രാജിവെക്കണം? ഒരു ഫോണ്‍ വിളിച്ചതിന്‌ മുഖ്യമന്ത്രി രാജിവെക്കണമെന്ന്‌ പറഞ്ഞ്‌ ബഹളം കൂട്ടുന്ന പ്രതിപക്ഷമാണ്‌ ഇവിടെയുള്ളത്‌. ഇന്നുച്ചക്ക്‌ പന്ത്രണ്ടിന്‌ വിളിച്ചുചേര്‍ത്ത വാര്‍ത്താസമ്മേളനത്തില്‍ മുഖ്യമന്ത്രി തന്റെ നയം വ്യക്തമാക്കി. സോളാര്‍ അഴിമതിക്കേസില്‍ സര്‍ക്കാര്‍ നടപടികളില്‍ വന്ന വീഴ്‌ചവല്ലതുമുണ്ടെങ്കില്‍ അതുചൂണ്ടിക്കാണിക്കാന്‍ അദ്ദേഹം പ്രതിപക്ഷത്തെ വെല്ലുവിളിക്കുകയും ചെയ്‌തു. ഇല്ലാത്തകാര്യങ്ങളാണ്‌ പ്രതിപക്ഷം വിളിച്ചുപറയുന്നത്‌. എല്‍ഡിഎഫ്‌ സര്‍ക്കാറിന്റെ കാലത്താണ്‌ ഈ കേസ് ഉത്ഭവിച്ചത്‌. പരാതി ഉണ്ടായിട്ടും എല്‍ഡിഎഫ്‌ എന്തുകൊണ്ടാണ്‌ കേസെടുക്കാതിരുന്നത്‌. ബിജുവിനെ കണ്ടു എന്നുള്ളത്‌ ശരിയാണ്‌. കൊച്ചിയില്‍ വെച്ച്‌ അദ്ദേഹത്തെ കാണുമ്പോള്‍ കൊലക്കേസ്‌ പ്രതിയല്ല. ഒരു കമ്പനി എക്‌സിക്യൂട്ടീവ്‌ ചങ്ങമ്പുഴ പാര്‍ക്കില്‍വെച്ച്‌ എന്നെ കണ്ടു. കൂടുതല്‍ സംസാരിക്കണമെന്ന്‌ പറഞ്ഞു. ഗസ്റ്റ്‌ഹൗസില്‍ വരാന്‍ പറഞ്ഞു. അദ്ദേഹത്തോടൊപ്പം ഒരു പത്ര ജീവനക്കാരനും ഉണ്ടായിരുന്നു. ബിജുവുമായി ഗസ്റ്റ്‌ഹൗസില്‍ കുറച്ചുനേരം സംസാരിച്ചു. പിന്നീടാണ്‌ അതായത്‌ 25-5ന്‌ അദ്ദേഹം കൊലക്കേസ്‌ പ്രതിയാകുന്നത്‌. ഉമ്മന്‍ചാണ്ടി വിശദീകരിച്ചു.
ഞാനൊരിക്കലും സംസ്ഥാനത്തിന്റെ താല്‍പര്യം ബലികഴിച്ചിട്ടില്ല. നിയമ നടപടികളില്‍ വീഴ്‌ച വരുത്തിയിട്ടില്ല. ഞാന്‍ ആര്‍ക്കും കത്തുകൊടുത്തിട്ടില്ല. എമര്‍ജിംഗ്‌ കേരളയില്‍ ഈ പ്രോജക്‌ട്‌ ഉള്‍പ്പെടുത്താന്‍ കത്തുകൊടുത്തുവെന്നാണ്‌ ആരോപിച്ചത്‌. ഈ പ്രൊജക്‌ട്‌ അതില്‍ വന്നിട്ടേയില്ല. പിന്നെയല്ലേ കത്ത്‌. വിജ്ഞാനഭവന്റെ മുന്നില്‍വെച്ചുളള ചില ദൃശ്യങ്ങള്‍ ഇവിടെ പ്രചരിപ്പിക്കപ്പെടുന്നുണ്ട്‌. യഥാര്‍ത്ഥത്തില്‍ കേരള ഹൗസിലെ ദൃശ്യമാണത്‌. വയനാട്ടിലെ ഗതാഗത പ്രശ്‌നങ്ങള്‍ ചര്‍ച്ച ചെയ്യാന്‍ വിളിച്ചുചേര്‍ത്ത യോഗം. അതില്‍ എം പിമാരും മന്ത്രിമാരുമുണ്ട്‌. ഇതാണ്‌ വിജ്ഞാന്‍ഭവന്‍ ദൃശ്യമായി പ്രചരിപ്പിക്കുന്നത്‌. മുഖ്യമന്ത്രി പറഞ്ഞു. ബിജുവുമായി അന്ന്‌ സംസാരിച്ച കുടുംബകാര്യങ്ങള്‍ ഞാന്‍ പരസ്യമാക്കില്ലെന്നും മുഖ്യമന്ത്രി പറഞ്ഞു. എന്തുകുടുംബകാര്യമാണ്‌ സംസാരിച്ചതെന്ന മാധ്യമപ്രവര്‍ത്തകരുടെ ചോദ്യത്തിന്‌ മറുപടി പറയുകയായിരുന്നു അദ്ദേഹം. വ്യക്തിപരമായി പറഞ്ഞ കാര്യങ്ങളാണ്‌ അത്‌. എല്‍ ഡി എഫ്‌ സര്‍ക്കാറിന്റെ വീഴ്‌ച പ്രതിപക്ഷം ചര്‍ച്ച ചെയ്യുന്നില്ല. ഈ സര്‍ക്കാറിന്റെ കാലത്ത്‌ ഒരു പുതിയ കേസും ഉണ്ടായിട്ടില്ല. രണ്ടുവര്‍ഷത്തിനിടെ ഒരു സഹായവും സോളാര്‍ പാനല്‍ ഇടപാടുമായി നടത്തിയിട്ടില്ല. കഴിഞ്ഞ സര്‍ക്കാറിന്റെ കാലത്ത്‌ ബിജുവിനെതിരെ എന്തുനടപടി എല്‍ഡിഎഫ്‌ സര്‍ക്കാര്‍ കൈക്കൊണ്ടുവെന്ന്‌ മുഖ്യമന്ത്രി ആവര്‍ത്തിച്ച്‌ ചോദിച്ചു. എന്നെ കാണാന്‍ വരുന്നവര്‍ക്ക്‌ നേരെ നിയന്ത്രണമേര്‍പ്പെടുത്തണമെന്ന്‌ പല ഭാഗങ്ങളില്‍ നിന്നും സമ്മര്‍ദ്ദമുണ്ടെങ്കിലും ഇപ്പോഴുള്ള നടപടി തന്നെ തുടരുമെന്നും മുഖ്യമന്ത്രി പറഞ്ഞു. തെറ്റായി ഞാനൊന്നും ചെയ്‌തുകൊടുക്കുന്നില്ല. പിന്നെ ഞാനാരെ ഭയപ്പെടണം. ഒരാള്‍ എന്നെ കാണാന്‍ വരുമ്പോള്‍ അയാള്‍ കുറ്റവാളിയാണോയെന്ന്‌ എങ്ങിനെ എനിക്കറിയാന്‍ പറ്റും അറിഞ്ഞുകഴിഞ്ഞെങ്കിലല്ലേ നടപടിയെടുക്കാന്‍ പറ്റൂ.മുഖ്യമന്ത്രി ചോദിച്ചു.
