Tuesday, June 25th, 2019

അഞ്ചാമനായി അലി ; അനൂപും രക്ഷപ്പെട്ടു

തിരു : അനിശ്ചിതത്വത്തിന് വിരാമമിട്ട് അഞ്ചാമനായി അലി ലീഗ് മന്ത്രിക്കസേരയില്‍. യു.ഡി.എഫ് മന്ത്രിസഭയിലെ പുതിയ മന്ത്രിമാരായി അലിയും അനൂപും നാളെ രാവിലെ പത്തുമണിക്ക് രാജ്ഭവനില്‍ വെച്ച് സത്യപ്രതിജ്ഞ ചെയ്യുമെന്ന് യു.ഡി.എഫ് യോഗത്തിന് ശേഷം മുഖ്യമന്ത്രി ഉമ്മന്‍ചാണ്ടി പറഞ്ഞു. മഞ്ഞളാംകുഴി അലിയുടെ വകുപ്പ് ഇപ്പോള്‍ ലീഗ് കൈകാര്യം ചെയ്യുന്ന ഏതെങ്കിലും വകുപ്പായിരിക്കുമെന്നും, അനൂപിന് ജേക്കബിന്റെ വകുപ്പായ ഭക്ഷ്യ സിവില്‍ സപ്ലൈസ് ഉള്‍പ്പെടെയുള്ള വകുപ്പുകള്‍ തന്നെയായിരിക്കുമെന്നും യു.ഡി.എഫ്് ചെയര്‍മാന്‍ കൂടിയായ മുഖ്യമന്ത്രി പറഞ്ഞു. കേരളത്തില്‍ നിന്നുള്ള രണ്ട് രാജ്യസഭാ സീറ്റ് … Continue reading "അഞ്ചാമനായി അലി ; അനൂപും രക്ഷപ്പെട്ടു"

Published On:Apr 11, 2012 | 4:09 pm

തിരു : അനിശ്ചിതത്വത്തിന് വിരാമമിട്ട് അഞ്ചാമനായി അലി ലീഗ് മന്ത്രിക്കസേരയില്‍. യു.ഡി.എഫ് മന്ത്രിസഭയിലെ പുതിയ മന്ത്രിമാരായി അലിയും അനൂപും നാളെ രാവിലെ പത്തുമണിക്ക് രാജ്ഭവനില്‍ വെച്ച് സത്യപ്രതിജ്ഞ ചെയ്യുമെന്ന് യു.ഡി.എഫ് യോഗത്തിന് ശേഷം മുഖ്യമന്ത്രി ഉമ്മന്‍ചാണ്ടി പറഞ്ഞു. മഞ്ഞളാംകുഴി അലിയുടെ വകുപ്പ് ഇപ്പോള്‍ ലീഗ് കൈകാര്യം ചെയ്യുന്ന ഏതെങ്കിലും വകുപ്പായിരിക്കുമെന്നും, അനൂപിന് ജേക്കബിന്റെ വകുപ്പായ ഭക്ഷ്യ സിവില്‍ സപ്ലൈസ് ഉള്‍പ്പെടെയുള്ള വകുപ്പുകള്‍ തന്നെയായിരിക്കുമെന്നും യു.ഡി.എഫ്് ചെയര്‍മാന്‍ കൂടിയായ മുഖ്യമന്ത്രി പറഞ്ഞു.
കേരളത്തില്‍ നിന്നുള്ള രണ്ട് രാജ്യസഭാ സീറ്റ് കോണ്‍ഗ്രസും കേരളകോണ്‍ഗ്രസും മത്സരിക്കുമെന്ന് ഉമ്മന്‍ചാണ്ടി വ്യക്തമാക്കി. നെയ്യാറ്റിന്‍കരയില്‍ നടക്കാന്‍ പോകുന്ന ഉപതിരഞ്ഞെടുപ്പില്‍ ശെല്‍വരാജിനെ പിന്തുണക്കാനും യു.ഡി.എഫ് തീരുമാനിച്ചതായി മുഖ്യമന്ത്രി പറഞ്ഞു. പിന്തുണ ഏതു വിധത്തില്‍ ആകണമെന്ന കാര്യം കെ.പി.സി.സി പ്രസിഡന്റ് ശെല്‍വരാജുമായി ചര്‍ച്ച ചെയ്തതിന് ശേഷം തീരുമാനിക്കുമെന്നും അദ്ദേഹം വ്യക്തമാക്കി.
ആര്‍ ബാലകൃഷ്ണപിള്ള യു.ഡി.എഫിന് നല്‍കിയ പരാതി യോഗം ചര്‍ച്ച ചെയ്തുവെന്നും കേരളകോണ്‍ഗ്രസ് ബിയും മന്ത്രി ഗണേഷ് കുമാറും തമ്മിലുള്ള പ്രശ്‌നം ചര്‍ച്ച ചെയ്തു പരിഹരിക്കുമെന്ന് മുഖ്യമന്ത്രി വ്യക്തമാക്കി. അടുത്ത ബുധനാഴ്ച ചേരുന്ന യോഗത്തില്‍ മന്ത്രിയും പാര്‍ട്ടിയും തമ്മിലുണ്ടായ അഭിപ്രായ വ്യത്യാസം ഇല്ലാതാകുമെന്നും അദ്ദേഹം വ്യക്തമാക്കി.
യു.ഡി.എഫ് യോഗത്തിന് മുന്നോടിയായി മഞ്ഞളാംകുഴി അലിയും തിരുവനന്തപുരത്തെത്തിയിരുന്നു. മന്ത്രിസ്ഥാനത്തിനായി താന്‍ പത്ത് മാസമായി കാത്തിരിക്കുകയാണെന്നും, ആ കാത്തിരിപ്പിന് വിരാമമായെന്നും അലി മാധ്യമപ്രവര്‍ത്തകരോട് പറഞ്ഞു.

LIVE NEWS - ONLINE

  • 1
    3 hours ago

    മണിമലയാറ്റില്‍ യുവാവ് ഒഴുക്കില്‍പ്പെട്ടു

  • 2
    4 hours ago

    ഗാന്ധി കുടുംബത്തിന് പുറത്തുള്ളവരെ കോണ്‍ഗ്രസ് അംഗീകരിച്ചിട്ടില്ലെന്ന് പ്രധാനമന്ത്രി

  • 3
    6 hours ago

    ജാമ്യഹര്‍ജിയില്‍ വിധി വരും വരെ ബിനോയിയെ അറസ്റ്റ് ചെയ്യില്ല

  • 4
    7 hours ago

    റിമാന്റ് പ്രതിയുടെ മരണം; എട്ട് പോലീസുകാരെ സ്ഥലം മാറ്റി

  • 5
    9 hours ago

    മലപ്പുറം ജില്ല വിഭജനം അശാസ്ത്രീയം

  • 6
    10 hours ago

    മൊറട്ടോറിയം; റിസര്‍വ് ബാങ്കിനെ നേരില്‍ സമീപിക്കും: മുഖ്യമന്ത്രി

  • 7
    12 hours ago

    സര്‍വകാല റിക്കാര്‍ഡ് ഭേദിച്ച് സ്വര്‍ണ വില കുതിക്കുന്നു

  • 8
    12 hours ago

    പ്രവാസി വ്യവസായിയുടെ ആത്മഹത്യ: നഗരസഭാ അധ്യക്ഷക്കെതിരെ തെളിവില്ല

  • 9
    12 hours ago

    കണ്ണൂര്‍ സെന്‍ട്രല്‍ ജയിലില്‍ നാലാം ദിനവും റെയ്ഡ്